tg-me.com/lenaltazm/38293
Last Update:
س/ أهلي مش بيهتموا بيا ومعاملتهم معايا سيئة أعمل ايه ؟
ج/ 1️⃣ أول حاجة خليكي عارفة إنك مش لوحدك وده حال بنات كتير زيك كده فأول حاجة تعمليها إنك تكوني في وسط بيئة دعم ليكي ،في وسط صحبة صالحة سواء معاكي في الواقع أو ع النت
ماتروحيش تحكي مشاكلك وأسرارك ليهم ولكن خليكي في وسطهم هيدعموكي وهتحسي انك في وسط مجموعة فاهماكي وتعوضك
2️⃣ اعملي ليكي عالم تعيشي فيه مع نفسك في عزلة شعورية عن البيئة اللي فيها ضغط حواليكي مثلا ....
▪︎عالم القراءة وتعيشي مع الكتب المفيدة اللي تقوي شخصيتك ومع الكتب الدينية زي كتاب الرجل النبيل ولأنك الله وغيرهم كتيييير ...خلي ده عالم يفصلك عن الواقع
▪︎لو مش بتحبي القراءة يبقى عندك عالم من الفيديوهات المفيدة ..فيديوهات تقوي شخصيتك وفيديوهات دينية كتييييير جدا
3️⃣ تجنبي الحاجات اللي بتعمل مشاكل مع أهلك حتى لو إنتي شايفاها انها طلبات فيها تعنت ...تجنبيها عشان تحمي نفسك من أذى بدني أو معنوي
4️⃣ اكسري حدة العنف وبادري انتي حتى لو من وراء قلبك مش مشكلة ...
مثلا ...هاتي لوالدتك أو لوالدك أي حاجة بسيطة ولو قطعة شيكولاته تديهالهم مع كوباية شاي
تأكدي إن الإحسان ده هيكسر حدة التعامل والحاجة البسيطة دي هتحل حاجات كتييييير أكبر بس انتي جربي
5️⃣ ودي أهم نقطة ...الدعاااااااااء
ادعي كتير جداااااا وفي أوقات الإجابة
ادعي في التلت الأخير من الليل وتضرعي وعيطي وربنا هييسر لك أحوالك خليكي واثقة من ده
BY معاً لنلتزم ️
Warning: Undefined variable $i in /var/www/tg-me/post.php on line 280
Share with your friend now:
tg-me.com/lenaltazm/38293